Жел күшейіп, тұман түседі: Демалыс күндеріне арналған ауа райы болжамы жарияланды
Синоптиктер 2023 жылғы 11-13 қарашаға арналған Қазақстан бойынша ауа райы болжамын жариялады. Бұл туралы Stan.kz ақпарат агенттігі хабарлайды.
Фото: pixabay.com
Еліміздің басым бөлігінде тұрақсыз ауа райы сақталады.
Алдағы күндері Қазақстан аумағының басым бөлігінде кезекті Атлантикалық циклонмен жауын-шашынды, бұл ретте қараша айы үшін жылы ауа райы күтіледі.
Циклон батыстан шығысқа қарай жылжып, өз жолында қарқынды жауын-шашын тудырады: түнгі уақытта жаңбыр мен қар түрінде, күндізгі уақытта негізінен жаңбыр түрінде, қатты жаңбыр 11 қарашада солтүстік-батыста, 12 қарашада оңтүстікте, 13 қарашада оңтүстік-шығыста, қатты жауын-шашын (жаңбыр мен қар түрінде) оңтүстік және оңтүстік-шығыстың таулы аймақтарында күтіледі.
12 қарашадан бастап антициклон жотасы батысқа қарай жылжуынан жауын-шашын тоқтайды және күндізгі ауа температурасы 8-18 жылыға дейін жоғарылады деп күтілуде. Республика бойынша жел күшейеді, түнгі және таңертеңгі уақытта тұман болжанады.
Еске салсақ, осыған дейін Қазгидромет қарашадан наурыз айына дейінгі ауа райы болжамын жариялаған болатын.