Жазушы Рафаэль Ниязбек өмірден озды
Танымал қазақ жазушысы, ақын Рафаэль Ниязбек 79 жасқа қараған шағында дүниеден озды. Суыт хабарды Қазақстан жазушылар одағы растады, деп хабарлайды Stan.kz ақпарат агенттігі.
Рафаэль Ниязбек – Қазақстан Жазушылар одағының мүшесі, Қазақстанның еңбек сіңірген қайраткері, "Парасат" орденінің иегері, Шешенстан мемлекеттік сыйлығының лауреаты.
Рафаэль Ниязбеков 1943 жылы 24 наурызда Жамбыл облысы Талас ауданының қазіргі Тамабек ауылында дүниеге келген.
Ол Қазақ Ұлттық университетінің филология факультетін тәмамдаған. Қазақ радиосының әдебиет редакциясында, "Жұлдыз" журналында, "Жазушы" баспасында қызмет атқарған.
Қонаев туралы өлең-роман жазған. Шығармалары орыс, украин, шешен, түрік тілдеріне аударылған.
Талқылау