"Жаздың ыстығында қалың киініп жүрмін": Төреғалидің жары босанғаннан кейінгі күтімі жайлы

Жақында бесінші баласын қолына алып, перзентханадан шыққан әнші Төреғалидің жары босанғаннан кейін қалай күтініп жүргенін айтты, деп жазады Stan.kz.

Толқын Тұрарбекқызы қазақы дәстүрге сай қойдың етімен "қалжаланып" жатқанын айтты. Сөзіне қарағанда, Төреғалидің ата-анасы өздеріне бес немере сыйлаған келіндерінің күтіміне бейжай қарамайды.  

"40 күн болмаса да, алғашқы 3 апта, қойдың етімен сорпаланып, салқын су ішпей, салқын суға қолды салмай, барынша тер шығару, денсаулықтың тезірек қалыпқа келуіне көмектеседі. 

Міндетті түрде "қалжалануға" мән беру керек, әр өңірде әртүрлі, бірақ көбіне қыздың ата-анасы әкеледі қалжасын! Осы жаздың ыстығында қалың киініп жүрмін. Үйдің іші кондиционер қоспай, барынша күтіміме атсалысып жүр", – деп жазды Толқын Instagram сторисінде. 

• Төреғали Төреәлі келіншегі мен ұлын перзентханадан сән-салтанатпен шығарып алды (видео)

• "Дүкенге сұранып шығуды, басыңды салбыратып жүруді үйретесің бе?": Желі қолданушылары Төреғалидің жарына қарсы шықты

• Төреғалидің жары: Күйеуіме дейінгі әрбір қадамым қайын атамның қадағалауымен болды

Айта кетейік, жақында келіншегі Төреғали Төреәліге ұл сыйлады. Оған Мұхаммеджан Тазабек азан шақырып, Төре Мұхаммед Әли деп ат қойды. Кенже баладан бөлек, Төреғали мен Толқынның Кәусар, Тоғжан, Фатима, Төренұр атты ұл-қыздары өсіп келеді.