Жаркентте балабақша өртке оранды

Жаркент қаласындағы жекеменшік балабақшалардың бірінде өрт шықты, деп хабарлайды Stan.kz ақпарат агенттігі Алматы облысы төтенше жағдайлар департаментінің баспасөз қызметіне сілтеме жасап. 

Төтенше жағдайлар департаментінің мәліметінше, оқиға "Дана Бала" балабақшасында болған. Өрт балалар мекемесінің асханасының шатырын шарпыды. Өрт 40-45 минут ішінде локализацияланып, сөндірілді.

"Жаркентте жеке балабақшаның шатыры өртенді. Өрттің аумағы 90 шаршы метр. Зардап шеккендер жоқ. Өрт сөндірушілер келгенге дейін балабақша қызметкерлері өртті эвакуациялап үлгерді. Өртті сөндіруге үш арнайы техника жұмылдырылды", - деп хабарлады Алматы облысы төтенше жағдайлар департаментінің баспасөз қызметі.

Департамент өрттің пайда болуы мен таралуының себебін өртті зерттеу зертханасы анықтайтынын айтты.