Жаңа ауыл шаруашылық вице-министрі тағайындалды
Аманғали Бердалин ауыл шаруашылығы вице-министрі болып тағайындалды. Бұл туралы Stan.kz ақпарат агенттігі хабарлайды.
Үкімет қаулысымен Бердалин Аманғали Бисенбайұлы ауыл шаруашылығы вице-министрі қызметіне тағайындалды.
Аманғали Бердалин 1964 жылы Ақтөбе облысында дүниеге келген.
Саратов мемлекеттік зоотехникалық ветеринариялық институтын, Гончаров атындағы Қазақ автокөлік-жол университетін бітірген.
Еңбек жолын 1981 жылы құрылысшы болып бастаған.
1989-1994 жылдары Ақтөбе облысында Г.Шевченко атындағы совхоздың аға, бас ветеринар дәрігері болып жұмыс істеді.
1994-2011 жылдары – "Қарабұтақ" ұжымдық кәсіпорнының төрағасы, "Қарабұтақ" ЖШС директоры.
2011-2012 жылдары – Ақтөбе облыстық әкімнің орынбасарының міндетін атқарушы, Әйтеке би ауданы әкімінің орынбасары.
2012-2016 жылдары – Ақтөбе облысы Әйтеке би ауданының әкімі.
2016-2019 жылдары – Ақтөбе облысы Хромтау ауданының әкімі.
2019-2021 жылдары – Ақтөбе облыстық әкімінің орынбасары.
2021 жылғы қаңтардан 2023 жылы қаңтарға дейін VII сайланған Парламент Мәжілісінің депутаты, Аграрлық мәселелер жөніндегі комитеттің мүшесі болды.