Соңғы жаңалықтар

Жамбыл облысында көпбалалы отбасыға ауылдастары асарлатып үй салып берді

Жамбыл ауданы Айша-бибі ауылындағы көпбалалы отбасының отағасы Бақтияр Жампозовқа баспана кілті табыс етілді. Бес бөлмелі үй жергілікті биліктің қолдауымен "Асарлатып үй салу" жобасы аясында тұрғызылған, деп хабарлайды Stan.kz ақпарат агенттігі. 

Салтанатты шараға арнайы қатысқан Жамбыл облысының әкімі Бердібек Сапарбаев үй иелерін құттықтап, бақ-береке, тыныштық тіледі.

"Асар - халқымыздың ежелден келе жатқан игі дәстүрі, ол адамдарды ізгі іске жұмылдырып, жас ұрпақты мейірімділік пен жанашырлыққа баулиды. Қазақтар ешқашан жетімдері мен жесірлерін жылатпаған. Жерлестеріміздің мұқтаж жандарға көмектесу туралы осындай ұсынысты бір ауыздан қолдағаны қуантады. Мұндай мереке әр отбасында бола берсін", - деді облыс әкімі.

Бүгінде Бақтияр жұбайы Жанар Мұхамедияровамен бірге алты бала тәрбиелеп отыр. Жанар мен Бақтиярдың әкесі ауылдастарына алғыс айтып, енді балалар ешқандай тарлық көрмей өседі деп қуанды. 

"Үлкен немерем 11 жаста, кішісі бір жасқа толды. Біз өте бақыттымыз және арманымыздың орындалуына көмектескен жанашыр адамдарға шын жүректен алғыс айтамыз. Ұлым қоғамдық жұмыстарға тартылған, ал келінім декреттік демалыста. Олар ұзақ жылдар бойы тұрғын үйді жалға алып, тапқан ақшаларының барлығын дерлік сонда жұмсап жүрді. Енді олар өз үйлерінде барынша еркін өмір сүреді деп ойлаймын. Қазіргі қуанышты әсерімізді сөзбен айтып жеткізе алмаймын", - дейді үйдің әжесі Илан Айтқұлова көзіне жас алып.

Талқылау
Пікір
Қазір оқып жатыр
Çàãðóçêà...
Қазір оқып жатыр