Жамбыл облысында дала өрті 200 гектар аумаққа жайылды

Жамбыл облысындағы "Меркі орман және жануарлар дүниесін қорғау мекемесі" аумағында құрғақ шөп өртеді. Бұл туралы Stan.kz ақпарат агенттігі хабарлайды. 

Төтенше жағдайлар департаменті 2023 жылғы 2 тамызда Меркі ауданы Ақтоған ауылынан 20 км жерде таулы аумақта алдын ала болжаммен 200 га алаңда қураған шөп жанған.

“Қазавиаорманкүзетінің су жинау құрылғысы бар (1,5 тонна) Ан-2 ұшағымен аэровизуалды барлау және сөндіру жұмыстары жүргізілді. Өрт ошақтарына әуеден 11 рет су төгілді (шамамен 16,5 тонна). ҚР ТЖМ "Қазавиақұтқару" АҚ ЕО-145 тікұшағымен аэровизуалды барлау жүргізілуде”, – делінген хабарламада. 

Өртті сөндіру үшін Қазорманавиакүзетінің, жергілікті атқарушы органдардың және Жамбыл облысы ТЖД күштері мен құралдарынан 161 адам, 24 бірлік техника, 2 ұшақ және 1 тікұшағы жұмылдырылған.