Жамбыл облысы әкімінің жаңа орынбасары тағайындалды
Талғат Мамаев Жамбыл облысы әкімінің орынбасары болып тағайындалды, деп хабарлайды Stan.kz ақпарат агенттігі.
Облыс әкімдігінің баспасөз қызметінің мәліметінше, әкімнің жаңа орынбасарының экономика және қаржы мәселелеріне жауап беретіндігі хабарланды.
Мамаев Талғат Шариұлы 1977 жылы Жамбыл облысында туған, білімі жоғары.
1998 жылы Дулати атындағы Тараз мемлекеттік университетін халықаралық экономикалық қатынастар мамандығы бойынша бітірді.
Еңбек жолын 2000 жылы Жамбыл облысы бойынша салық комитетінің маманы ретінде бастаған.
2003-2006 жылдары Жамбыл облысы бойынша салық комитетінде бөлім басшысы, салық комитеті төрағасының орынбасары, 2006-2008 жылдары - қаржы министрлігі салық комитетінің ірі салық төлеушілерге бақылау және мониторинг бөлімінің бастығы, 2008-2012 жылдары - Шығыс Қазақстан облысы бойынша салық департаментінің бастығы, 2012-2014 жылдары - Қарағанды облысы бойынша салық департаментінің бастығы, 2014-2017 жылдары - Ақтөбе облысы бойынша мемлекеттік кірістер департаментінің басшысы қызметін атқарған.
2017-2019 жылдары мемлекеттік кірістер комитеті департаментінің директоры қызметін атқарды.
2019 жылдың мамыр айынан бастап қаржы министрлігі мемлекеттік кірістер комитеті төрағасының орынбасары қызметін атқарды.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
