AAPL
142.92 $
0.96 %
TSLA
695.2 $
-0.57 %
NDAQ
156.79 $
-0.44 %
GOOGL
2291.44 $
1.16 %
FRHC
46.29 $
2.91 %
AAPL
142.92 $
0.96 %
TSLA
695.2 $
-0.57 %
NDAQ
156.79 $
-0.44 %
GOOGL
2291.44 $
1.16 %
FRHC
46.29 $
2.91 %
Соңғы жаңалықтар
Соңғы жаңалықтар

"Жалақылары бәрібір аз": Қазақстанда дәрігерлер екі есе тапшы бола түсті

Қазақстанда дәрігерлер екі есе тапшы бола түсті. Бұл – соңғы бес жылдағы статистика. Дәрігерлер кем дегенде екі адамның жұмысын істеуге мәжбүр. Денсаулық сақтау министрлігінде осы мәселеге байланысты медициналық қызмет көрсету сапасының төмендеуі, тіпті өлімге әкелетін қателіктер де туындап отырған жайы бар. Ал қаржыландыру көбейіп жатқан сияқты, алайда миллиардтаған қаржы басқа мақсаттарға жұмсалып жатыр, дейді Есеп комитеті, деп хабарлайды Stan.kz ақпарат агенттігі Астана телеарнасына сілтеме жасап.

“Бізге, дәрігерлерге үнемі қаржы жетпейді. Сіздің сұрағыңыз біздің үстімізден түсті”, – деді  Денсаулық сақтау вице-министрі Вячеслав Дудник жаңа медициналық кадрларды даярлауды қаржыландыру мәселесіне қатысты.

Бүгінде кәсіби белсенді дәрігерлердің 30 пайызы зейнеткерлікке шығу алдында тұр. Алайда олардың орнын алмастыратын мамандар дайын емес.

“Көбірек берсеңіздер, қуанышты болар едік”, – дейді ол тағы.

Есеп комитетінің мәліметінше, соңғы бес жылда елімізде медицина қызметкерлерінің тапшылығы артып, 23 мың бірліктен асты. Оның 5 мыңы шетелге кетуді таңдаған.

Тағы бір бөлігі жеке ұйымдарда жұмыс істейді.

“Бүгінгі дәрігерлердің жалақысы бәрібір аз. Ол бас дәрігерлерді қанағаттандырмайды. Екінші мәселе, жас маман облысқа келгенде немесе ауылға барғанда жағдай жасау керек. Бұл баспана жағы, аяққа тұрып кету үшін қажылық. Медицина қызметкерлерінің үстінен түскен шағымдар да екі есеге артқан. Бұл таңғаларлық емес, өйткені олардың көпшілігі екі жұмыс істеуі керек”, – дейді ҚР Денсаулық сақтау министрі Ажар Ғиният.

“Бүгінгі күні толық емес жұмыс уақытының коэффициенті 1,5-тен 2 жүктемеге дейін барады.

Мұның бәрі, өкінішке қарай, медицина мамандарына үлкен салмақ түсіреді. Дәрігерлердің үстінен түсетін шағымдардың көбейгенін де байқаймыз. Мұның бәрін, әрине, сол жоғары жүктемемен түсіндіруге болады”, – дейді экономиканың нақты секторындағы аудит департаменті директорының орынбасары Нұрлан Кәтренов.

Денсаулық сақтау министрлігі дәрігерлерге қолдау күшейтіледі деп сендірді. Дегенмен, ақша әзірге межелі жерге кетіп жатқан жоқ. Үш жылдық мемлекеттік аудиттің қорытындысы бойынша қаржылық заң бұзушылықтар шамамен 6 млрд теңгеге жетті. 

Талқылау
Пікір
Қазір оқып жатыр
Қазір оқып жатыр