Зеленский мен Путиннің кездесуі болмайды – Германия канцлері
Фото: ТАСС/IMAGO
Германия канцлері Фридрих Мерц Украина президенті Владимир Зеленский мен Ресей президенті Владимир Путиннің арасында келіссөздің өтпейтінін мәлімдеді. Бұл туралы Stan.kz ақпарат агенттігі DW Telegram арнасына сілтеме жасап хабарлайды.
Фридрих Мерц екі елдің президенттері кездеспейтінін Франция президенті Эммануэль Макронмен кездесудің алдында Безансон қаласында сөйлеген сөзінде айтқан.
“Германия мен Франция үкіметтері Зеленский мен Путиннің кездесуі, өткен аптада Трамп пен Путин арасындағы келісімге қарамастан, өтпейтіні айқын екенін ескере отырып, Украинадағы соғысты талқылайды”, – деді Германия канцлері.
Бұған дейін АҚШ президенті Дональд Трамп Зеленский мен Путин арасындағы келіссөздерге қатысты күмәнін білдірген еді. Ақ үй басшысы бұл кездесудің болатыны-болмайтыны белгісіз екенін айтқан. Ол Украинадағы соғысты аяқтауға болатынына сенім білдіргенімен, мұның оңайға соқпайтынын атап өтті.
АҚШ президенті Путин мен Зеленскийдің келіссөзіне қатысудан бас тартты
АҚШ бұқаралық ақпарат құралдарының хабарлауынша, Ресей басшысының неге Зеленскиймен кездескісі келмейтіні туралы сұраққа Трамп “Путинге ол ұнамайды” деп жауап берген.
Сонымен қатар АҚШ президенті өзі де ұнатпайтын, кездесу өткізгісі келмейтін адамдар барын, бірақ кейде олармен жүздесуге тура келетінін айтты.
Қоғам белсендісі Алматы көшелеріне төселген брусчатканың жеке қолға сатылып жатқанын әшкереледі: Алайда әкімдік олардың мұқтаж отбасыға берілгенін айтып отыр
