Ұтыс туралы сілтеме жібереді: WhatsApp-тан қауіпті вирус табылды

WhatsApp-тан қауіпті вирус табылды - зиянды бағдарлама мессенджердегі хабарламалар арқылы автоматты түрде таралады, деп хабарлайды Stan.kz ақпарат агенттігі.

Бұл туралы ESET компаниясының қауіпсіздік зерттеушісі Лукас Стефанко айтты.

Android операциялық жүйесінде жұмыс жасайтын смартфондарға арналған нұсқада олқылық табылғаны атап өтілді. Осылайша, WhatsApp пайдаланушысына Huawei Mobile зиянды мобильді қосымшасына сілтеме жіберіледі, онда смартфон ұтып алуға мүмкіндік бар деп болжануда.

Стефанконың айтуынша, сілтеме қолданушыларды Google Play қолданбалар дүкеніне дизайны бойынша өте ұқсас сайтқа бағыттайды. Ондағы негізгі мақсат - жәбірленушіні осы бағдарламаны орнатуға үгіттеу.

Орнатқаннан кейін бағдарлама хабарлама алуға рұқсат сұрайды, сол арқылы ол шабуыл жасайды. Жедел жауап беру функциясын қолдана отырып, вирус сілтемені басқа қолданушыларға жібереді. Мұндай хабарламаларды сағатына бір рет қана жіберуге болады.

Стефанко мұны вирус қаупіне күдік келтірмеу әдісі деп санайды.
Бағдарламалық жасақтама сонымен қатар фондық режимде жұмыс істеуге және басқа қосымшалармен жұмыс істеуге рұқсат сұрайды. Бұл әдісті алаяқтар көбінесе тіркелген деректерін ұрлау үшін қолданады. Сарапшының сөзіне қарағанда, шабуылдаушылар деректерді әзірге смартфон экранында үнемі жарнамалар көрсету арқылы ақша табуға пайдаланып жүр.

Талқылау
Пікір
Қазір оқып жатыр
Çàãðóçêà...
Қазір оқып жатыр