Ұлттық сараптама орталығы төрағасының бұрынғы орынбасары пара алды деп айыпталуда
Ұлттық сараптама орталығы төрағасының бұрынғы орынбасары Сәдуақас Байғабылов сыбайлас жемқорлық жасады деп күдікке ілінді. Бұл туралы Stan.kz ақпарат агенттігі хабарлайды.
Бұл туралы Денсаулық сақтау министрлігінің санитарлық-эпидемиологиялық бақылау комитетінде хабарлады.
“14 шілдеде санитарлық-эпидемиологиялық бақылау комитеті "Ұлттық сараптама орталығы" Жетісу облыстық филиалының директоры А. Манкеев пен "Ұлттық сараптама орталығы" төрағасының орынбасары Байғабыловқа қатысты Қазақстан сыбайлас жемқорлыққа қарсы іс-қимыл Агенттігі Департаментінің ұсынысын қарады", – делінген комитет хабарламасында.
Сыбайлас жемқорлыққа қарсы ведомствода Сәдуақас Байғабылов Манкеевті Алматы облысындағы лауазымға ауыстыру үшін 1 миллион 112 мың 486 теңге (2 500 доллар) пара алғанын атап өтті.
Сәдуақас Байғабылов бұған дейін денсаулық сақтау саласында жоғары лауазымдарды атқарған. Ол Астана қаласының қоғамдық денсаулық сақтау департаментінің басшысы, елорданың, Павлодар облысының бас мемлекеттік санитарлық дәрігері болып жұмыс істеді.
2023 жылы 18 мамырдағы бұйрықпен "Ұлттық сараптама орталығы" төрағасының орынбасары қызметінен босатылды.
Жетісу облысы бойынша Ұлттық сараптама орталығы филиалының бұрынғы директоры Асхат Манкеев басшылығына пара бермек болды деген айыппен екі айға тергеу изоляторына қамалғаны хабарланды. Жақындары мұнымен келіспей, Астанада бейбіт митингке шыққан еді.