Ұлттық экономика министрі Қазақстанның ЖІМ мен инфляция деңгейіне болжам жасады
Ұлттық экономика министрі Әсет Ерғалиев елдегі инфляция мен ЖІМ деңгейіне болжам жасады, деп хабарлайды Stan.kz ақпарат агенттігі.
Оның сөзінше, коронавирус пандемиясынан кейін 2020 жылы елдегі экономика өсімі 2,8%-ды құраған. Ал осы жылдың бес айының нәтижесінде Жалпы ішкі өнім (ЖІМ) 1,6-ға жеткен.
"Қазіргі уақытта министрлік биыл Қазақстан экономикасы 3,1%-ға өседі деп болжап отыр. Қазір біз бұл тұрғыда Ұлттық банкпен және Қаржы министрлігімен жұмыс жасаудамыз. 1 қыркүйекте тағы да болжам жасаймыз. Бұған дейін мемлекет үкіметі бұл жылы экономика өсімі 3,5%-дан асуы керек деп айтқан болатын. Біз келесі жолы болжам бойынша көрсеткіштерді көтеруге тырысамыз. Негізінен бұл сандар соңғы бес айдың нәтижесіне негізделіп отыр. Алып қарасақ, 2021 жылдың бес айында экономикалық өсім 1,6%-ды құраған. Ал біз алдыңғы болжамда өсім 1,2% болады деп көрсеткен едік", – дейді Ерғалиев.
Сонымен қатар министр базалық импортты алмастыруды қамтамасыз етуге, экономиканың өзіндік жеткіліктілігін шешуге бағытталған жобаларға көмектесетінін атап өтті.
"Бұл біздің елімізде базалық азық-түлік өнімдерін өндіруге мүмкіндік беретін инвестициялық жобалар. Үкіметтегі әріптестерімнің, ауыл шаруашылығы министрлігінің негізгі азық-түлік тауарларымен қамтамасыз етуге бағытталған нақты жоспарлары, нақты инвестициялық жобалары бар. 2024 жылға дейінгі міндет Қазақстан экономикасын, халқымызды базалық азық-түлікпен 100% қамтамасыз ету болып табылады. Көп нәрсе инфрақұрылымның тиімділігіне, оның байланысына байланысты. Сондықтан бүгінгі таңда сауда және интеграция министрлігіндегі әріптестеріммен ұлттық тауар өткізу жүйесін қалыптастыру бойынша жұмыс жүргізілуде. Осы жұмыс аясында тауарларды өткізуде делдалдардан аулақ болу үшін тауарларды жеткізу, сақтаудың заманауи логистикалық желісін құру үшін 24 көтерме-тарату орталығының құрылысы жүргізіліп жатыр", – деді ол.