"Ұлыбританияның Азаматтық соты құны 5 миллиард долларға дейінгі активтерді, соның ішінде қонақүйлердегі үлестерін, он шақты елдердің банктеріндегі есепшоттардағы ақшаны және Burger King франчайзингін бұғаттады. Оның құрамында Қазақстанның ең бай кәсіпкерлері де бар. Ұлыбритания судьясы Нил Калвер "БТА Банк" тарапына жасалған айыптаулардың негізінде активтерді тоқтату туралы бұйрық шығарды. Банк қаржыгер, Қазақстан үкіметінің бұрынғы кеңесшісі және Халықаралық теннис федерациясының басқарма мүшесі Болат Өтемұратов банктен ұрланған ақшаны жасыруға көмектесу үшін басқа 11 жеке тұлғамен және компаниямен жұмыс істеді деп мәлімдеді", - делінген хабарламада.

БТА банк өкілдерінің айтуынша, Өтемұратов ұрланған ақшаны жасыруға көмектескендердің бірі болған.

"Бұл шектеулердің негізінде активтер бұғатталған. Олардың қатарына UBS Group AG UBS-2.82%, Credit Suisse Group AG CS-3.56%, EFG International AG және DBS Group Holdings Ltd кіреді. Сонымен қатар, компанияның банктегі шоттарына, Мәскеудегі, Венадағы және Нұр-Сұлтандағы Ritz-Carlton қонақүйлеріндегі акцияларға иелік ету мүмкін болмайды. Бұған Өтермұратов мырза бақылайтын компанияға тиесілі Қазақстандағы Burger King франшизасы да кіреді", - деп жазады газет.

Бұған дейін экс-банкир Мұхтар Әблязов қазақстандық миллиардер Болат Өтемұратовтың үй қамағында отырғанын мәлімдеді.

Әблязовтың сөзіне қарағанда, Өтемұратов "құны кемінде 5 миллиард доллар болатын" әр түрлі активтерінен айырылып қалды.

"Болат Өтемұратовқа айып тағылды, ол маған активтерді жасыруға көмектесті", - дейді Әблязов.

Миллиардердің өкілдері ақпаратты жоққа шығарды.

"Қазіргі уақытта Болат Өтемұратов Нұр-Сұлтанда және қоғамдық жұмыстарға баса назар аударып жұмысын жалғастыруда", - деп мәлімдеді.

Талқылау