Виктор Ионенко Рудный қаласының әкімі болып тағайындалды
Виктор Ионенко Рудный қаласының әкімі болып тағайындалды, деп хабарлайды Stan.kz ақпарат агенттігі.
52 жастағы Виктор Ионенко Қостанай облысының тумасы. 1992 жылы Қостанай ауыл шаруашылығы институтын инженер-механик мамандығы бойынша бітірген.
Ионенко еңбек жолын 1992 жылы Қостанай облысы, Таранов ауданы, Николаевский кеңшарының машина-трактор паркін пайдалану инженері болып бастады.
2010-2020 жылдары Денисов ауданының әкімі, "АиФ" ЖШС, "Қостанайстройтехнология" ЖШС директоры, Қостанай облысы Меңдіқара, Қарасу аудандарының әкімі қызметтерін атқарған.
2020 жылдың қыркүйегінен 2022 жылдың шілдесіне дейін Қостанай облысы әкімінің орынбасары қызметін атқарды.
2023 жылдың ақпанынан - Қостанай облысы Рудный қаласы әкімінің орынбасары, әкімінің міндетін атқарушы.
Талқылау