"Үшінші баланы құтқарып қала алмағаным үшін өкінемін": Атыраулық азамат суға батқан балаларды аман алып қалды
Жақында Жылыой ауданы Тұрғызба ауылындағы өзенде қайғылы жағдай орын алды. Екі баланы құтқарып алғанымен, үшінші бала суға ағып кетті. Ал екі баланы ауылдасы Есет Утаралиев аман алып қалған, деп хабарлайды Stan.kz ақпарат агенттігі “Ақ Жайық” басылымына сілтеме жасап.
Оқиға 4 маусым күні болған. Кешкі сағат 17.00 шамасында ауылдағы №4 мектептің он шақты оқушысы ата-анасының рұқсатынсыз Жем өзеніне суға түсуге барады. Алғашында балаларға көңілді болғанымен, олардың үшеуі бөлініп, алысқа жүзіп шығып, суға бата бастайды. Қалған балалар көмекке шақырып айқайлайды, олардың дауысын жақын маңда жүрген Есет естиді.
Ол келген бойда суға сүңгіп кетеді. Балалардың екеуін судан тез алып шығады, бірақ үшінші 12 жасар баланы 40 минуттан кейін ғана алып шыға алады. Ол уақытта бала қайтыс болған еді.
- Атырау-Алматы бағытындағы пойызда жас сарбаз есінен танып қалған әйелді құтқарып қалды
- Нұр-Сұлтанда ер адам өз өмірін қатерге тігіп, 8-қабаттан құлаған қызды қағып алды
"Әрине рахмет, еңбегімді елегендеріңізге. Менің орнымда кім болса да солай жасайтын еді. Бірақ үшінші баланы құтқарып қала алмағаным туралы ой мені іштей жеп барады", – дейді 28 жастағы Есет.
Ауылдастары Есет туралы тек жақсы пікір айтады, азамат – әдебиетке жақын, "Тарлан" театрының белсенді қатысушысы. Қарапайым, көмек қолын созуға әрқашан дайын азамат және батыр.
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
