Үш күн бұрын жоғалып кеткен турист Алматы облысының тауларынан табылды
Құтқарушылар Алматы облысының тауларында үш күн бұрын жоғалып кеткен туристі тапты. Бұл туралы Stan.kz ақпарат агенттігі хабарлайды.
Фото: Төтенше жағдайлар министрлігі
Төтенше жағдайлар министрлігінің мәліметінше, жоғалған ер адам тікұшақтың көмегімен табылған. 1982 жылы туған азамат 12 қаңтарда көп күндік жорыққа аттанып, 15 қаңтарда байланысқа шықпаған соң, туыстары мазасызданып, құтқарушылардан көмек сұрады.
Құтқарушылар дереу іздеуге кірісіп, алғашқы екі күнде ең танымал туристік маршруттардағы шыңдар, шатқалдар мен асуларды, жалпы саны 21 орынды зерттеген.
-
Үндістаннан келген турист қазақстандық ауруханада емделуден бас тартқан: БАҚ біздің елге қорқынышты сапар туралы жарыса жазды
“Қазавиақұтқару әуе бортын пайдаланып ұшудың арқасында ер адам 2970 метр биіктікте "Сол Талғар" шатқалындағы күркеден табылды. Медициналық көмекке мұқтаж болмаған зардап шегуші Алматы қаласына жеткізілді”, – делінген министрлік хабарламасында. 
Құтқарылған ер адам құтқарушыларға алғысын білдірді.
Еске салсақ, бұған дейін Алматыдағы құтқарушылардың ескірген әскери аяқкиіммен тау кезіп жүрген видеосы тарап, желі қолданушылары наразылық білдірген еді.