Үндістандық әйелден бұған дейін белгісіз болған қан тобы табылды

Фото: Pixabay.com

Үндістанда дәрігерлер Карнатака штатындағы 38 жастағы әйелден бұрын белгісіз қан тобын кездестірді. Бұл туралы Stan.kz ақпарат агенттігі The Times of India басылымына сілтеме жасап хабарлайды. 

Әйел жүрегіне ота жасауға дайындалып жатыр, ол үшін қан құю керек болды. Алайда оның қан тобы бұған дейін ең көп таралған қан тобы – O Rh+ болса да, басқа қандарды денесі қабылдамаған.

Аурухана науқастың қанын жергілікті анықтамалық зертханаға жіберді.

"Жетілдірілген серологиялық әдістерді пайдалана отырып, оның қанының "пан-реактивті" екенін, ешқандай қанмен үйлеспейтінін анықтады. Қанда сирек немесе анықталмаған антигеннің болуы мүмкіндігін ескере отырып, біз оның отбасының 20 мүшесін тексердік, бірақ олардың ешқайсысы сәйкес келмеді", – деді Ротари қан орталығының докторы Анкит Маттур.

Бір қызығы, ота қан құюсыз сәтті өтті. Науқастың қан үлгілері Ұлыбританияның Бристоль қаласындағы халықаралық қан тобы зертханасына жіберілді. 10 айлық зерттеулер мен молекулалық сынақтардан кейін халықаралық сарапшылар жаңа антигенді анықтады, ол CRIB деп аталды. Бұл жаңалық 2025 жылы маусымда Миланда өткен халықаралық қан құю қоғамының 35-аймақтық конгресінде жария етілді. Әйел әлемде жаңа CRIB антигенін растаған алғашқы адам болды.

Сирек кездесетін немесе жаңадан анықталған қан топтары бар адамдарды қолдау үшін Үндістандағы қан орталығы сирек донорлардың тізілімін жасады.