Үндістанда жаппай тәртіпсіздіктер басталды
Он мыңдаған үнді фермері ескі Делидің тарихи орталығында кезекті ереуіл ұйымдастырды. Наразылық шеруі полицияның қарсылығына қарамастан тәртіпсіздіктерге ұласты, деп хабарлайды Stan.kz ақпарат агенттігі.
Наразылық білдірушілердің көпшілігін тарату үшін полиция көзден жас ағызатын газ бен есеңгірететін гранаталарды қолданды. Наразылықтар нәтижесінде кем дегенде бір фермер қаза болды, бірнеше полиция қызметкері жарақат алды.
"Біздің сіздер көріп отырған тракторларымыз - саяси өзгерістер мен революцияның символы!",- деді акцияға қатысушылар.
Фермерлер үкіметтің ауылшаруашылық өнімдерінің сатып алу бағаларын босату туралы шешіміне наразылық білдіруде. Шаруалардың пікірінше, бұл шара оларды онсыз да төмен кірістерінен айырады.
"Біз премьер-министрге үкіметтің оған емес, фермерлерге тиесілі екенін айтқымыз келеді. Бәрі біз қалағандай болады. Барлығы біз қалағандай болады. Олар заңдарын кедейлерге өз қалауынша қолдануға құқылы емес", - дейді фермерлер.
Айта кетейік, шаруалардың наразылығы қараша айының соңынан бері жалғасуда. Осы уақыттан бастап наразылық білдірушілер Делидің шетіндегі лагерде тұрып жатыр.
Тәртіпсіздіктердің қайта жандануының себебі ұлттық мереке - республика күні болды. Ашуланған топ қала орталығына кіргеннен кейін, билік ондағы интернетті өшіруді бұйырды. Үндістан ішкі істер министрі Амит Шах фермерлердің наразылықтары аясында Нью-Делиге қосымша әскерилер кіргізуге бұйрық берді.