"Украинаны қолдау": Астана, Алматы және Көкшетау әкімдіктері бейбіт митингілер өткізуден бас тартты
Қоғам белсенділері Астана, Алматы және Көкшетау әкімдіктері тамыз айының бүкіл демалыс күндерінде Украинаны қолдау мақсатында бейбіт митингілер өткізуден бас тартқанын айтты. Бұл туралы Stan.kz ақпарат агенттігі хабарлайды.
Алматыдағы әкімдік хабарламаларға жауап ретінде 5, 6, 12, 13, 19, 20, 26 және 27 тамызда (тамыз айының барлық демалыс күндері) бейбіт наразылық акциясын өткізуден бас тартты.
"Бас тарту себебі: осы тақырыптағы бейбіт жиын кезінде қоғамдық қауіпсіздікке қатер төну", - деді қоғам белсенділері.
Астанада да әкімдік тамыз айының барлық демалыс күндерінде Украинаны қолдау митингілерін өткізуге тыйым салды. Бас тарту себебі: толық емес ақпарат беру.
Дәл осындай шешімді Көкшетау қаласының әкімдігі де қабылдады. Бас тарту себебі: бұрын келісілген шаралармен сәйкес келіп қалуы.
2022 жылдың 24 ақпанынан бері Украинаны қолдау мақсатында соғысқа қарсы акция өткізуден 108 рет бас тартылды.
Талқылау