"Улы зат қосылған маскалар сатылып жатыр": Ақпарат қазақстандықтарды шошытты

Қазақстандықтар Telegram каналдарында  Германияда медициналық маскалардан қауіпті улы анилин табылды деген хабарламаны талқылап жатыр. Олар мұндай қорғаныс құралдарын пайдалану өте қауіпті және көптеген аурулар тудыруы мүмкін екенін айтады. Ақпарат шындыққа жанаспайтын болып шықты, деп хабарлайды Stan.kz ақпарат агенттігі stopfake.kz басылымына сілтеме жасап.

Біріншіден, анилин вирустық протектан М және L көлеміндегі қара маскалардың тек бір партиясында табылды. Олардан басқа өндірушінің ассортиментінде анилин жоқ басқа модельдер бар. Өндірушінің барлық атаулары сертификатталған және қауіпсіздігі тексерілген. Қауіпті болуы мүмкін жүк сатылымнан алынып тасталды. Химиялық құрам нормасынан асып кеткендігін растайтын сараптама әлі жүргізілмегенін атап өту маңызды. Сондықтан маскаларды улы деп дау айтуға болмайды.

• ДДСҰ масканы тағу бойынша жаңа ұсыныстарды жариялады


• Әуекомпания екі жасар қызы маска тағудан бас тартқан отбасыны ұшақтан шығарып жіберген

Екіншіден, анилин шынымен де улы зат және жоғары концентрацияда орталық жүйке жүйесіне кері әсер етуі мүмкін. Бірақ аз мөлшерде және қажетті сақтық шараларын ескере отырып, ол өндірісте кеңінен қолданылады. Анилин резеңке, гербицидтер мен бояғыштар өндірісінде қолданылады. Анилин көбінесе джинсы бояуларында кездеседі. Анилин негізіндегі бояғыштар қарапайым дүкендерде бар және үйде қолдануға жарамды. Ұсталған маскалар партиясы жасалған материал дәл осындай бояумен боялған болуы мүмкін.

Ал маскалардың өлімге алып келетіні туралы ақпарат шындыққа жанаспайды.