УЕФА Конференция лигасының ширек финалдық ойындары аяқталды
Футболдан УЕФА Конференция лигасының ширек финалдық ойындары аяқталды. Бұл туралы Stan.kz ақпарат агенттігі хабарлайды.
Фото: Stan.kz
Аылшындық “Челси” клубы Конференция лигасында 11 ойыннан кейін жеңіліс тапты. Жауапты кездесуде өз алаңында Польшаның “Легия” клубынан 2:1есебімен ұтылды. Бірақ соған қарамастан жартылай финалға шықты. Себебі, Варшавада өткен ойында лондондықтар 3:0 есебімен жеңген еді.
Италияның “Фиорентина” клубы да жартылай финалға жолдама алды. Олар ширек финалда Словенияның “Целе” клубынан басым түсті. Алғашқы ойын 2:1, екінші матч 2:2.
Испанияның “Бетисі” ¼ финалда Польшаның тағы бір командасы “Ягеллонияны” жарыс жолынан шығарды. Бұл жұптың да екінші ойынында тең есеп тіркелді. Екі ойын есебі 2:0, 1:1. Бетис жарысты ары қарай жалғастырады.
Соңғы жолдаманы Швецияның “Юргорден” клубы иеленді. Австрияның “Рапид” командасынан алғашқы ойында 1:0 есебімен жеңілгенімен, жауапты ойында 4:1 ұтты.
Осылайша жартылай финалда “Бетис” пен “Фиорентина”, “Челси” мен “Юргорден” қарсылас атанды. Командалар алғашқы матчты 2 мамырда өткізсе, жауапты кездесуді 9 мамырда ойнайды.
