Соңғы жаңалықтар
Соңғы жаңалықтар

"Заң бұзуға уақыты жоқ": Қазақстанның ең қауіпсіз ауылы аталды

Ақмола облысындағы Родина ауылы Қазақстандағы ең қауіпсіз елді мекен деп аталды. Бұл жерде жыл басынан бері бірде-бір қылмыс болмаған, деп хабарлайды Мир телеарнасына сілтеме жасап Stan.kz ақпарат агенттігі.

Соңғы бес жыл ішінде Родинада екі ұрлық  ісі ашылмаған. Осы жылдың басынан бері бірде-бір қылмыс фактісі болған жоқ.

Учаскелік инспектор Қайрат Әлібеков әрбір тұрғынды таниды. Аудандағы жағдай бақылауда, бірақ жергілікті тұрғындар жиі кездесетін мәселелерге үйреніп қалған.

"Біздің ауыл Қазақстан Республикасындағы ең қауіпсіз ауыл деп танылды. Бізде округте адамдар заңға бағынады. Егер бір жерде біреу бұзса, бұл қонаққа келгендер екені түсінікті. Олар темекі тұқылын жерге тастап, жаңа асфальттан көлікпен жүріп өтуі мүмкін", - деді ол.

Учаскелік пункт мұнда өткен жылы көшіп келген және ол жақсы жабдықталған. Заманауи технологиялар учаскелік полиция қызметкерлеріне тәртіпті сақтауға көмектеседі.

Ауыл тұрғындары заңды өздері де бұзбайды және басқалардың бұзуына да жол бермейді. Ауылдық мәдениет үйінің директоры Тимур Айдарғазинов, волонтер болып та қызмет етеді. Әр кеш сайын жұмыстан кейін кезекшілікке келеді.

"Бір жолы біздің орталық айналма жолда түн ортасында гүлдер жұлынып тасталғаны белгілі болды. Таңертең мен үлкен тесікті байқадым. Бірден камера арқылы қарадық. Таңғы сағат 3-те көрші ауылдан жастар келгенін анықтадық. Бірден көлікті тауып, адамдарға айыппұл салынды", - деп еске алады волонтер Тимур Айдарғазинов.

Айтуынша, ұрлауға уақыт жоқ, ұрлаудың қажеті жоқ. Халықтың көп бөлігі жергілікті агрофирмада жұмыс істейді.

"Жұмыссыздық мүлдем жоқ. Сондықтан адамдардың қолы бос емес", - деді агрофирманың бас директоры Иван Сауэр.

Ауылдағы жасөспірімдер де бос емес. Мәдениет үйінде 20 тегін үйірме мен спорт секциясы бар. Жақын арада мұнда балалар мен ересектерге арналған спорт кешенінің құрылысы басталады. Қазақстанның ішкі істер министрлігі Родина ауылының тәжірибесін елдің басқа елді мекендеріне үлгі ретінде көрсетуге дайын.

Талқылау
Пікір
Қазір оқып жатыр
Çàãðóçêà...
Қазір оқып жатыр