"Тұман және көктайғақ": Қазақстан бойынша 8-10 ақпанына арналған ауа райы болжамы жарияланды

"Қазгидромет" 8-10 ақпанға арналған ауа райы болжамын ұсынды, деп хабарлайды Stan.kz ақпарат агенттігі. 

Синоптиктердің болжамына сәйкес елде тұрақсыз ауа райы байқалады. Кей аймақтарда жауын-шашын жауып, көктайғақ болады. Сонымен қатар желдің күшеюі күтіледі. 

"Кезеңнің басында, Қазақстан аумағының басым бөлігі Екатеринбург аудандарынан және онымен байланысты атмосфералық фронттардан келетін циклон жырасының ықпалында болады", – деп мәлімдеді "Қазгидромет" РМК мамандары. 

Қазақстанның солтүстік, шығыс, орталық өңірлерінде жауын-шашын тоқтап, температураның төмендеуі болжанады. Солтүстік өңірлерде түнгі уақыттарда минус 15-28 градусқа дейін аяз болады. Ал орталық өңірлерде 15-25 градус, шығыс аймақтарда 15-30 градус аяз күтіледі.