Түркістан, Жамбыл және Қызылорда облыстарында үсік жүреді

"Қазгидромет" қазанның 14-і күнге арналған ауа райы болжамын жариялады. Бұл туралы Stan.kz ақпарат агенттігі хабарлайды. 

Фото. pixabay.com

Бүгін Қазақстанның басым бөлігінде күн құбылмалы болады. Кей өңірлерде жауын-шашын жауса, еліміздің оңтүстігінде, оңтүстік-шығысында нөсер жауын (жаңбыр, қар) болады. 

Тек еліміздің оңтүстік-батысында ғана күн жауын-шашынсыз болады. Ел бойынша екпінді жел тұрып, түн және таңертеңгі сағаттарда тұман түседі. Жетісу облысының оңтүстігінде, шығысында, таулы аудандарында кей уақытта жел күшейіп, күші секундына 30 метрге жетеді, кейде одан жоғары болады. 

Түркістан, Жамбыл облыстарының таулы аудандарында, Қызылорда облысының солтүстігінде 3 градусқа дейін үсік жүреді.