Түркістан облысындағы өрт: Аман қалған үш адамның бірі есін жиды
Фото: ТЖД
Түркістан облысындағы 12 адамның өмірін жалмаған өрттен аман қалған үш адамның бірі есін жиды. Бұл туралы Stan.kz ақпарат агенттігі хабарлайды.
Түркістан облысы әкімінің бірінші орынбасары Зулфухар Жолдасов науқастардың бірінің жағдайының жақсарғанын хабарлады.
“Зардап шеккендердің бірі есін жиды. Қажет болған жағдайда үшеуі де аудандық ауруханадан Астанаға санитарлық авиациямен тасымалдауға дайын”, – деп атап өтті ол.
Түркістан облысындағы өрттен қаза тапқандардың есімдері жарияланды
Зулфухар Жолдасов тергеу жүріп жатқанын және оның нәтижелері кейінірек хабарланатынын қосты.
"Қайғылы оқиға мұқият және жан-жақты тергеледі", – деп атап өтті әкімнің орынбасары.
Бұған дейін үш зардап шеккеннің де жансақтау бөліміне жатқызылғаны хабарланған болатын. Олардың бірі, 1986 жылы туған ер адам, жанып жатқан ғимараттан өз бетінше шығып үлгерген. Оның денесінің 12%-ы күйгені анықталды.
Қалған екеуі - 1991 жылы туған науқас және 2018 жылы туған қыз - денесінің 30%-ы және 11%-ы күйген күйікпен ауруханаға жатқызылды. Екеуі де өкпені жасанды желдету аппаратына қосылған.
Еске салсақ, 18 қарашада таңертең Алғабас ауылындағы екі қабатты жеке үйден 12 адамның мәйіті табылып, тағы үш адам ауруханаға жеткізілген. Артынша қаза тапқан 12 адамның жаназасы шығарылған еді.
"Біреулер көрсін, гей болсын демейміз": Қазақстандықтар желіде ЛГБТ насихатына тыйым салу туралы заңды қызу талқылап жатыр
