Заң жобасы Қасым-Жомарт Тоқаевтың 2022 жылғы 27 қыркүйекте Түркістан облысына сапарының қорытындылары бойынша берген тапсырмасын орындау аясында әзірленген.

Заң жобасында келесі өзгерістер қаралған:

Түркістан қаласына ерекше мәртебе берудің негізгі мақсаттарын, міндеттері мен қағидаттарын айқындау;
Түркістан қаласының аумағында тарих және мәдениет ескерткіштерін қорғауды қамтамасыз ету;
Орталық мемлекеттік органдар, сондай-ақ Түркістан қаласының жергілікті өкілді және атқарушы органдары өкілеттіктерінің аражігін ажырату және жаңа өкілеттіктер беру;
Ұлттық қолөнер саласындағы шеберлер үшін жергілікті бюджеттен шығындардың бір бөлігін өтеу;
Сәулет, құрылыс және қала құрылысы қызметін нормативтік реттеу және тарихи-мәдени мұра ескерткіштерін қорғау көзделген;
Тарихи-мәдени мұраның неғұрлым осал бөліктері болып табылатын археология ескерткіштерінің сақталуын, тұтастығын және түпнұсқалығын қамтамасыз ету үшін "резерват" ұғымын енгізу бойынша.

“Заң жобасы жұмыс тобының 5 отырыстарында, Комитеттің кеңейтілген отырысында жан-жақты талқыланды. Депутаттардан 49 ұсыныс келіп түсті. Жұмыс тобы барлық ұсынысты белсенді талқылап жатыр. Сондай-ақ заң жобасының негізгі ережелерін Түркістан қаласында халықпен талқылау бойынша жұмыс тобының көшпелі отырысы өткізілді. Айтарлықтай, жұрт бұл заң жобаларын толыққанды қолдап, қабылдануын күтіп отыр”, – делінген баяндамада.

Депутаттар заң жобасын бірінші оқылымда мақұлдады.

Талқылау