Трамп кейбір елдер үшін тарифтерді 90 күнге тоқтата тұру жайлы шешімді жариялағаннан кейін америкалық компаниялардың акция бағалары күрт өсті: биржалық индекстер 8–12% аралығында көтерілді.

S&P 500 индексі бір күн ішінде 9,5%-ға өсті — бұл 2008 жылдан бергі ең үлкен күндік өсім.

Күн соңында Dow Jones индексі күн басымен салыстырғанда 7,8%-ға жоғары болды.

Жоғары технологиялық компаниялар акцияларының Nasdaq индексі 12%-дан астам көтерілді.

Тұтастай алғанда, АҚШ қор нарығы жасыл аймаққа оралып, 3,5 триллион доллар қосты.

Nike сияқты компания акцияларының бағасы 11% көтерілді. Nike өз аяқ киімінің жартысына жуығын Вьетнамда жасайды, ал Трамп Вьетнамды 46%-дық тарифпен қорқытты.

Apple акциялары шамамен 15% қымбаттады.

Қарқынды өсімге қарамастан, индекстер Трамп өткен аптаның соңында жаңа тарифтерді жариялағанға дейінгі деңгейден әлі де төмен. S&P 500 қазір шамамен 3% төмендеді және биылғы ең жоғары деңгейден 8% төмен.

Трамп өткен жұмада жариялаған 60-қа жуық елдің импортына қосымша тарифтер Уолл-стрит күткеннен әлдеқайда жоғары болды, бұл АҚШ қорларының құлдырауына әкелді. Атап айтқанда, S&P 10%-дан астам жоғалтты. Көптеген экономистер мұның бәрі АҚШ-та да, бүкіл әлемде де экономикалық құлдырауға әкелетінін ескертті.

Сәрсенбіге қарай дүрбелең инвесторлар АҚШ облигацияларын – дәстүрлі түрде ең қауіпсіз бағалы қағаздар болып саналатын мемлекеттік қарыз міндеттемелерін демпингке түсіре бастаған деңгейге жетті.

Сауда басталғаннан кейін бір жарым сағат өткенде жапондық Nikkei 225 индексі 7,6%, оңтүстіккореялық Kospi 5%, тайваньдық Taiex 9,25%, аустралиялық ASX 200 4,6% қымбаттады.

Трамптың Қытаймен сауда соғысы жалғасып жатқанымен, тіпті Қытай биржалары да көтеріліп жатыр. SSE Shanghai Composite индексі ашылу кезінде 1,3%, ал Гонконг Hang Seng индексі 3% өсті.

Трамп Қазақстан тауарлары үшін баж салығын көтерді: Сауда министрлігі жаңа тарифтың экспортқа айтарлықтай әсері жоқ екенін айтты

Трамп Ресейдің санкцияларды алып тастау туралы талабын қарап жатқанын айтты

"Біз жіберетін шикізат салықтан босатылған": Трамп енгізген баж салығының Қазақстанға ықпалы қандай

Айта кетейік, 3 сәуір күні АҚШ президенті Дональд Трамп 180-нен астам елге жаңа салық тарифтерін енгізетінін мәлімдеді. Тізімде 34%-дық тарифпен Қытай да бар.

4 сәуірде Қытай АҚШ-тың әрекеттеріне жауап ретінде барлық АҚШ өнімдерге 34%-дық тариф енгізетінін жариялады. Жаңа тариф 10 сәуірден бастап күшіне енеді.

АҚШ-тың баж салығынан кейін азиялық қор нарықтары құлдырай бастады.

Талқылау