Трамп осылайша шетелдік мемлекеттердің бұрын АҚШ тауарларына жоғары салықтар салғанына жауап бергенін айтты. Оның сөзінше, жаңа механизмге сәйкес, АҚШ өзіне қарсы қолданылған тарифтердің жартысына тең мөлшерде баж салығын енгізеді.

“Біз енді басқалар пайдаланатын ел болғымыз келмейді. Бұл шаралар америкалық өнеркәсіп пен жұмыс орындарын қорғауға бағытталған”, – Трамп.

АҚШ президенті әр түрлі елдерге арналған есептеулер көрсетілген кестені таныстырды. Кей мемлекеттерге енгізілген баж салығының мөлшері 50%-ға дейін жетеді.

Айта кетеу керек, Қазақстан жоғары тарифтер енгізілген елдердің қатарында. Қазақстанға осы өңірдегі ең жоғары мөлшерлемелердің бірі – 27% белгіленді.

Молдова – 31%;
Қазақстан – 27%;
Армения – 10%;
Әзербайжан – 10%;
Грузия – 10%;
Өзбекстан – 10%;
Түрікменстан – 10%;
Қырғызстан – 10%;
Тәжікстан – 10%.

Алайда бұл тізімде Ресей жоқ.

ТМД елдерінен бөлек әлемнің ірі әрі дамыған нарықтары да Америка енгізген баж салығының тізімінде. Олардың тарифтерінің мөлшері мынадай:

Қытай – 34%
Вьетнам – 46%
Тайвань – 32%
Жапония – 24%
Оңтүстік Корея – 25%
Үндістан – 26%
Еуропалық Одақ – 20%
Бангладеш – 34%
Пәкістан – 29%
Шри-Ланка – 44%
Лаос – 48%
Мьянма – 44%
Сербия – 37%
Мадагаскар – 47%
Лесото және Сен-Пьер мен Микелон – 50%.

Мақсатты тарифтерден бөлек, АҚШ барлық басқа елдер үшін 10% мөлшерінде минималды базалық салық енгізеді. Трамптың айтуынша, бұл шара америкалық экономиканы қалпына келтіруге қолдау көрсету және адал емес бәсекелестіктің алдын алу үшін қабылданған.

Трамп Ресейдің санкцияларды алып тастау туралы талабын қарап жатқанын айтты

Ақ үй 43 ел азаматтарының АҚШ-қа кіруіне шектеу қоймақ – NYT

20 наурызда Тоқаев АҚШ конгресінің өкілдер палатасының мүшесі Кэрол Миллермен кездескен еді. Сонда мемлекет басшысы екі ел арасындағы тауар айналымы тұрақты түрде өсіп, 4 миллиард доллардан асқанын айтты.

Бұған дейін Трамп ресейлік мұнайға қайталама баж салығын саламын деп сес көрсеткен еді.

Талқылау