Торнадо желі әйелді ваннасымен бірге орманға ұшырып әкетті
АҚШ-тың оңтүстігіндегі Техас штатында торнадо желі 60 жастағы әйелді ваннасымен ұшырып әкетті. Әйел ваннамен бірге біршама жердегі орманға ұшып кеткен.
Бұл туралы зардап шегушінің өзі телефонмен айтып берді. Ол бірнеше жерден жаралағағанын айтты.
Метеоролог Джейсон Хансфордтың айтуынша, зардап шегушінің есінде үйінің жартысы қалай құлағаны, ваннаның орнынан қозғалғаны сақталып қалыпты.
Әйел торнадо жақындап қалғанын білген соң бірден ваннасына жасырынған.
Күшті желдің салдарынан оның үйінің күл-талқаны шықты. Желдің жылдамдығы сағатына 209 шақырымға тең болды.
Құтқарушылар торнадо желі басталып, төтенше жағдай болғанда ваннаға жасырынуға кеңес береді. Өйткені ваннаның құбырлары жерге қазылып жасалғандықтан,үйдің басқа қабырғалары құлағанымен ванна бөлмесі орнында қалуы мүмкін.
АҚШ-та торнадо желі 21 қаңтардан 22-не қараған түні болды. Оқыс оқиға салдарынан 19 адам қайтыс болды.
Жіберіп алмаңыз:
Ақырзаманнан қауіптенген IT-миллионерлер бункерлер мен қарулар сатып алуда
Ер адам 17 жыл отасқан әйелін ұрымен шатастырып өлтіріп алды
Ата-анасы қалың мал үшін тұрмысқа берген 8 жасар қыз неке түнінде көз жұмды (фото)