Төреғали әйгілі «Сенің көзің» әнін «Музарт» тобымен құшақтасып орындады (видео)
Төреғали Төреәлі өз концерттерінің бірінде әйгілі «Сенің көзің» әнін «Музарт» тобымен бірге орындады, деп хабарлайды Stan.kz.
Алдымен, «Музарттың» репертуарындағы ең алғашқы әнді Төреғали өзі орындап бастады. Халықтың толассыз қошеметінен кейін сахнаға «Музарт» тобының серілері көтерілді. Содан кейін Мейрамбек Бесбаев, Сәкен Майғазиев, Кенжебек Жанәбілов және Төреғали Төреәлі аталмыш әнді қосыла шырқады.
Бұл дуэттің алдын ала жоспарланбағаны көрініп тұрды. Себебі сахнада артық микрофон болған жоқ. Нәтижесінде қазақ өнерінің 4 бірдей майталманы бір микрофонмен ән айтты. Ал халық қошеметін аямады.
“Төртеуі де Алла бақ берген жігіттер”, “Төреғали, жарайсың”, “Музарт” тобының жолын берсін”, “Жүректі тербейді екен. Болар елдің баласы бір бірін батыр дейді”, – деп пікір білдірді тамсанған желі оқырмандары.
Жіберіп алмаңыз:
«Музарт» тобының ізбасарлары анықталды
Гүлнұр Оразымбетова тәуелсіздіктің 25 жылдығына патриоттық бейнебаянын тарту етті (видео)
Бағлан Әбдірайымов Корей елінде шаш бояп сырға тағатын жігіттердің қайдан пайда болғанын айтып берді
Нұрпейісов сексуалдық бейімділігінің дұрыстығына күмән келтірген тележүргізуше жауап берді