Токио-2020: Каратэші Нұрқанат Әжіқанов топтық кезеңді жеңіспен бастады

Токиода каратэден екінші жарыс күні басталды. Бүгін Қазақстан атынан 75 келіге дейінгі салмақта Нұрқанат Әжіқанов сынға түсуде, деп хабарлайды Stan.kz ақпарат агенттігі Olympic.kz порталына сілтеме жасап.  

Жеребеге сәйкес, Әжіқанов В тобына түсті. Оның қарсыластары – Цунэари Яхиро (Австралия), Ноа Битщ (Германия), Луиджи Буса (Италия) және Рафаэль Агаев (Әзербайжан).

Бірінші кездесуде Нұрқанат австралиялық Цунэари Яхироны 6:3 есебімен ұтты. 

Екінші жекпе-жекте Әжіқанов германиялық Ноа Битщпен кездесіп, 3:3 есебімен тең түсті. Алайда қосымша көрсеткіштер бойынша жеңіс Ноаға берілді. 

Айта кетелік, жартылай финалға екі топтағы үздік екі спортшыдан жолдама алады.