Тоқаев шалғай ауылдарды SpaceX және OneWeb байланысымен қамтуды тапсырды
Қазақстан президенті Қасым-Жомарт Тоқаев 28 қыркүйекте Астанадағы Digital Bridge 2022 халықаралық технологиялық форумына қатысып, ауылдарды SpaceX және OneWeb желісімен қамтамасыз етуді ұсынды, деп хабарлайды Stan.kz ақпарат агенттігі.
Форумда ел басшысы цифрландыруға көшу үшін заманауи инфрақұрылымның маңыздылығын атады.
“Қазақстан халықаралық дәліздермен және трансшекаралық деректер ағындарымен ұштасатын цифрлық инфрақұрылымды дәйектілікпен құруда. Әзербайжандық әріптестермен бірлесіп, Транскаспий учаскесінде трафикті шоғырландырудың әлемдік орталықтары, яғниОңтүстік-Шығыс Азия мен Еуропаға қосу үшін жұмыс басталды” – деді Тоқаев.
Ол қазақстандық нарыққа Microsoft Azure, Amazon Web Services, Google Cloud және т.б. сияқты бұлтты есептеулердің ірі ойыншыларын белсенді түрде тартатынын атап өтті.
“Халықтың 40%-ға жуығы ауылдық жерлерде тұрады. Сондықтаг барлық азаматтарды қолжетімді және сапалы интернетпен қамтамасыз ету – өзекті мәселе. Цифрлық даму министрлігі шалғай ауылдарды SpaceX және OneWeb төмен орбиталық спутниктік жүйелер желілерімен жабдықтандыру жөніндегі жұмысты қолға алуы тиіс, – деді ол.
Сондай-ақ, жаһандық мегатренд әлемдік экономиканы дамытудың негізгі факторы ретінде цифрлық трансформацияның негізгі рөлін айқындап отырғанын айтып кетті.
Сарапшылардың бағалауы бойынша, цифрлық технологияларды енгізудің әсері 2025 жылға қарай 40 триллион долларға жетеді.