Тоқаев мемлекеттік органдардың жылыту маусымына дайындығын тексеру үшін комиссия құруды тапсырды

Мемлекет басшысы Қасым-Жомарт Тоқаев мемлекеттік органдардың қысқа дайындық бойынша жұмысын тексеру үшін арнайы комиссия құруды тапсырды, деп хабарлайды Stan.kz ақпарат агенттігі. 

Комиссияға президент Әкімшілігі Басшысының бірінші орынбасары Тимур Сүлейменов жетекшілік етеді. 

"Комиссия құрамына Бас прокуратураның, Жоғары аудиторлық палатаның, Сыбайлас жемқорлыққа қарсы іс-қимыл агенттігінің және басқа да уәкілетті мемлекеттік органдардың өкілдері кіреді", – делінген хабарламада. 

Тоқаев жұмысты он күн ішінде нақты қорытындылармен және ұсыныстармен аяқтауды тапсырған.