Тоқаев коронавирус жағдайына байланысты кестесін өзгертті

Қазақстан президентінің жұмыс кестесі коронавирусқа байланысты өзгерді, деп хабарлайды Stan.kz ақпарат агенттігі. Бұл туралы мемлекет басшысының баспасөз хатшысы Берік Уәли мәлімдеді.

Әлемде коронавирустың таралуы Қасым-Жомарт Тоқаевтың жұмыс кестесіне әсер еткенін атап өтті.

"Пандемияға қарсы алдын алу шараларының аясында президент қатысады деп жоспарланған бірқатар іс-шаралар тоқтатылды. Бұл Наурыз мерекесіне, Ұлы Отан соғысындағы жеңістің 75 жылдығына арналған шеруге қатысты. Бұған дейін мемлекет басшысы 8 наурызға арналған салтанатты жиналыс пен концерттен бас тартқан болатын. "Мұның бәрі азаматтардың қауіпсіздігі мен денсаулығына алаңдаушылықтан туындады", - деді Берік Уәли.

Президенттің халықаралық кездесулерінің кестесі де өзгерді.

"Әлем бойынша сапарлар, екіжақты және көпжақты кездесулер, келіссөздер тоқтатылды. Сондықтан Қазақстанда бірқатар сыртқы саяси іс-шаралар, оның ішінде ДСҰ министрлер жиналысы кейінге шегерілді немесе тоқтатылды. Мен президенттің кестесі одан әрі қиындамағанын атап көрсетемін", - деді баспасөз хатшысы.

Берік Уәли президенттің жедел жұмысына үлкен көңіл бөлетінін - жиналыстар мен кеңестер өткізіп, жағдайды қадағалап, тиісті ведомстволардың жұмысын үнемі бақылауда ұстайтынын атап өтті.