Тоқаев қаңтардағы оқиғаларға кінәлілердің барлығы жазаланатынын айтты

Қазақстан Президенті Қасым-Жомарт Тоқаев Мәскеуде Владимир Путинмен кездесті, деп хабарлайды Stan.kz ақпарат агенттігі.

Тоқаев қаңтардағы оқиғалар кезінде Қазақстанда туындаған тәртіпсіздіктерді реттеуге Ресейдің көрсеткен көмегін атап өтті.

Ол сондай-ақ қаңтардағы қайғылы оқиға кезінде құрбан болған азаматтардың көп екеніне алаңдаушылық білдіріп, кінәлілердің барлығы жазаланатынын жеткізді. 

Владимир Путин Қазақстанның халықаралық терроризммен бетпе-бет келгенін қосып өткен.

"Бұл біздің қаңтар оқиғаларынан кейінгі алғашқы кездесуіміз, ол кезде Қазақстан ел ішіндегі қиын жағдайларды пайдасына жаратқан халықаралық бандалардың құрбанына айналған еді", – деді Путин Кремльде өткен кездесуде.

Оның айтуынша, жаңа жыл қарсаңында өткен кездесуде бұл қайғылы оқиғаның орын алатынын ешкім ойламаған.