Тоқаев әнші Қарақат Әбілдинаны марапаттады

Танымал әнші Қарақат Әбілдинаны мемлекет басшысы Қасым-Жомарт Тоқаев "Парасат" орденімен марапаттады. Бұл туралы Stan.kz ақпарат агенттігі хабарлайды. 

Фото: https://www.instagram.com/karakat_a/

8 наурыз халықаралық әйелдер мерекесі қарсаңында президент жарлығымен мемлекеттік және қоғамдық қызметке cіңірген еңбегі, елдің әлеуметтік-экономикалық және мәдени дамуына қосқан елеулі үлесі, сондай-ақ әскери және қызметтік борышын үлгілі атқарғаны үшін бір топ азаматшалар мемлекеттік наградалармен марапатталды. 

Тоқаев "Парасат" орденімен марапаттағандар тізімі:

• Әбілдина Қарақат Түлкібайқызы – "Қарақат" мектеп-студиясының бас директоры, Астана қаласы;
• Жексенбай Бибігүл Нұрғалиқызы – Парламент Сенатының депутаты;
• Құспан Айгүл Сайфоллақызы  – Парламент Мәжілісінің депутаты;
• Ноғайбаева Гүлдана Рахымбекқызы – Абай облысы мәдениет, тілдерді дамыту және архив ісі басқармасының "Ә. Қашаубаев атындағы мемлекеттік филармониясы" КМҚК әншісі-әртісі.

• "Құны – 3 миллион теңге": Отандық шоу-бизнестегі жігіттер әйелдеріне қандай сыйлық дайындап жатқанын айтты

• Қазақстандық көпбалалы аналарға 8 наурызға орай 39 мың теңгеге дейін біржолғы төлем беріледі

Айта кетейік, марапатталғандардың қатарында әр түрлі сала өкілдері бар: Олар:

• 4 еңбек ардагері;
• 19 жұмысшы маман мен кәсіпорын еңбеккерлері;
• 14 денсаулық сақтау, білім беру, ғылым және мәдениет саласының қызметкерлері;
• 6 кәсіпорын басшысы;
• 3 қоғамдық ұйым өкілі;
• 7 мемлекеттік қызметкер;
• 6 құқық қорғау, арнаулы және бақылаушы органдарда, әскер қатарында еңбек ететін қызметкерлері.