Синьхуа мәліметінше, Си Цзиньпин жер сілкінісі салдарынан жапа шеккендердің өмірін сақтап қалу және құрбандарды азайту үшін кешенді құтқару жұмыстарын жүргізу туралы бұйрық берді.

"Си Цзиньпин Қытай Коммунистік партиясы Орталық комитетінің бас хатшысы және Орталық әскери кеңестің төрағасына жараланғандарға көмек көрсету үшін барлық күш-жігерді жұмсауды тапсырды", – деп хабарлады агенттік.

Қытай президенті сондай-ақ қайталанатын апаттардың алдын алу, зардап шеккен тұрғындарды дұрыс көшіру және зардаптарды тиімді жою бойынша шаралар қабылдауды тапсырды. Си Цзиньпин жер сілкінісін бақылау мен ерте хабарлау жүйесін нығайтып, төтенше көмек көрсету үшін қаржы бөлу керек айтты. Бұдан бөлек зақымдалған инфрақұрылымды қалпына келтіріп, тұрғындардың негізгі қажеттіліктерін қамтамасыз ету қажет екенін атап өтті. Оның айтуынша, барлығына қауіпсіз әрі жылы қыс қамтамасыз етуге тиіс.

Сейсмологтар Тибет автономиялық аймағында магнитудасы 6,8 балл болған жер сілкінісінен кейін 49 афтершок тіркеген.

Армения мен Өзбекстанда жер сілкінісі болды

Еске салайық, бұған дейін Қытайдың Тибет аймағында болған жер сілкінісінен кемінде 53 адам қаза тауып, тағы 62 адам жарақат алғанын жаздық. Мәліметтерге сенсек, бастапқыда Қытайдың Орталық телеарнасы 9 адам қаза тапқанын хабарлады. Табиғи апат көптеген ғимараттардың қирауына әкелді. Құтқару жұмыстары ұйымдастырылып, апат аймағында халықты эвакуациялау жұмыстары басталды. Жер сілкінісі жергілікті уақыт бойынша 09:05-те (Астана уақытымен 06:05-те) тіркелді. АҚШ-тың Геологиялық қызметі магнитуданы 7,1 балл деп бағалаған, ал Қытайдың сейсмикалық орталығы магнитуданы 6,8 балл деп көрсетті.

Талқылау