Тегін процедураға шақырған: Косметологиялық орталықтың клиенттері оңбай алданып қалғандарын айтты

Алматыда бір топ әйел бетіне ақысыз күтім жасатамын деп, қарызға батты. Олар косметология орталығының тегін процедурасы туралы жарнамасын естіп дереу жеткен екен. Бірақ клиникадағылар алдап, әлдебір қағаздарға «қол қойдырып алды» дейді ашулы клиенттер. Сөйтсе, әйелдердің атына қомақты несие рәсімделіпті, деп хабарлайды Stan.kz ақпарат агенттігі КТК арнасына сілтеп. 

Әйелдердің бәріне косметология орталығынан қоңырау шалып, ақысыз бет күтімін жасай алатыны туралы хабарлаған. Тегін дүниеге қызыққандар Алматының қақ ортасындағы клиникаға дереу жетіпті. Қыз-келіншектердің айтуынша, мұндағылар асты-үстіне түсіп жүріп, әлдебір қағаздарға қол қойдырып алған. Осылайша клиникаға бір жылдық абонементті банк арқылы рәсімдеп жіберіпті. Оксана Ким осындай жолмен «мойныма 375 теңге қарыз ілінді» дейді.

"Мұнда келгенімде маған шай мен кәмпит ұсынды. Оны ішкен соң, өзімді масайған адамдай сезіндім. Сол кезде қызметкерлер мені бухгалтерияға апарып, алдыма қағаздар берді. Оны оқып та үлгермедім. Қол қойыңыз, кейін бәрін түсіндіреміз деді. Несие рәсімделіп жатқанын білмедім", - дейді Алматы қаласының тұрғыны Оксана Ким.

«Қармаққа қалай түскенімізді білмейміз» деген әйелдер мұнда теріге жасалған күтімнің мүлдем көңілден шықпағанын айтады. Бірақ ұнамаған қызметтен бас тартқанымен, рәсімделген несиеден енді құтыла алмай жүр.

"Келсем, болды, «142 мың төлеңіз, біз сіздікін жауып береміз» дейді. «Не үшін мен 142 мың төлеймін?» десем, «айтпаймын, түсіндірмеймін, қайда барсаңыз, сонда барыңыз» деді", - дейді Алматы қаласының тұрғыны Секерхан Нұрдәулетқызы.

Секерхан Нұрдәулетқызы амалдың жоқтығынан көрсетілмеген қызметке 8 ай бойы ақы төлеп келген. Бұлар жарнамасы жер жарған орталыққа дәл осылай алданған адамның көп екенін айтады. Сондай-ақ, құжатқа қол қойдырғанша, алдымызда құрдай жорғалаған қызметкерлер келісім-шартты бұзуды сұрағанда «беттен алып, төске шапты» дейді Секерхан. Ал орталықтың заңгерлері тілшілерге несиені әркім өз еркімен рәсімдегенін мәлімдеді. Сөзіне сенсек, клиенттерді ешкім мәжбүрлемеген.

"Біздің тарапымыздан заңсыз әрекет жоқ. Мысалы, клиенттердің бірі бірнеше процедурадан өтті. Енді сол үшін төлем жасағысы келмей отыр. Егер олар көрсетілген қызметке толық төлем жасаса, біз келісім-шартты еш қиындықсыз бұзамыз. Оларды мәжбүрлеп ұстау ойымызда жоқ", - дейді медициналық орталықтың заңгері Құралай Мекенбаева.

Расымен де орталық бүгін әйелдердің кейбіріне мәселесін шешіп берген. Ал тегін бет күтіміне барып, қарыз арқалап қайтқан қалған әйелдер сотқа шағымданамыз деп тарқасты. 

Талқылау
Пікір
Соңғы ЖАҢАЛЫҚТАР

Коронавирус тағы үш елде табылды

Ауруды Ираннан және Италиядан келген азаматтар жұқтырған

Гонконгта ит коронавирус жұқтырып алды

Гонконг билігі иттен коронавирус анықтады

Министр Тоқаевқа: Бірқатар ауылдарда жылдам интернет іске қосылады

Осы жылдың соңына дейін 250 ауылда интернет тартылады

Моңғолия президенті коронавирусқа байланысты карантинге жабылды

Бұған қоса бірқатар шенеуніктер карантинге жабылыпты

Ақтаудағы қайырымды қыз жұрт көңілін елжіретті (видео)

Қыз баланың әрекеті желі қолданушыларын шулатты

"Гарант 24" ломбардының шуы: Іске қатысты тағы бір қылмыскер ұсталды

Ол қала тұрғындарын 500 миллион теңгеге алдаған

Қостанай облысында бойжеткенді трактор қағып өлтірді (видео)

Қазір аталған жайт бойынша қылмыстық із қозғалған

Масанчи ауылының тұрғындарының қазіргі жағдайы қандай

Қазір тұрғындар үйлерін қайта қалпына келтіруді бастап кетіпті

"Көзім 100%-ға көрмеді": Шымкентте қабағына татуаж жасатқан әйел ауруханаға түсті

Кентау қаласының тұрғыны процедурадан кейін бірден өзін нашар сезінген

Ақтөбеде бойжеткенді зорлаған түнгі клуб күзетшісі небәрі 2,5 жылға қамалды

Бұған қоса ол материалдық шығын төлеуі тиіс
Çàãðóçêà...