"Тасқынмен салыстырдым": Роза Рымбаева не себепті екінші рет тұрмыс құрмағанын түсіндірді

Фото: Видеодан скриншот

Танымал әнші Роза Рымбаева жолдасы өмірден өткеннен кейін қалай қиналғанын айтып берді. Бұл туралы Stan.kz ақпарат агенттігі хабарлайды. 

Өнер иесі әлі күнге дейін жалғызбасты ана екенін жасырмады. 

"Күйеуімді сағынамын. Мен тек өмірде жалғыз емеспін, өнерде де жалғызбын. Әрине, өнеріме ғашық адамдар бар. Мен оның барлығын Тасқынмен салыстырамын. Оның деңгейіне жеткен адамды кездестірмедім, іздеген де жоқпын. Екі балама өзім әке, өзім шешемін. Менің осы деңгейге жетуіме еңбегін, шығармашылығын, білімін арнаған - Тасқын. Онымен кездеспегенде сахнада жүру, жүрмеуім белгісіз. Оны жасың ұлғайған сайын түсіне бересің", – деді ол. 

• "Тыңдаушы үкімет қайда?!": Роза Рымбаева Жаңаөзен, Қаңтар оқиғасын есіне алды

• "Үш рет депутаттыққа ұсынды": Роза Рымбаева саясатқа қатысты ойын бөлісті

Сондай-ақ екі ұлына қандай ана екенін де айтып берді. 

“Барлық ана бірдей екен. Әли мен Мәди түнгі 11-ден кейін үйге келмесе, бірден хабарласамын. “Мама, менің жасым 30-дан асты” деп Әли ренжіп жатады. Аналар балаларының оқығанын, жақсы маман болғанын армандайды. Мен де сондаймын. Өсу жолындағы денсаулығына алаңдаймыз. Жүрегім дүрсілдеп елеңдеп отырамын. Ұрсатын кезде ұрсамын. Тал түскен дейін ұйықтатпаймын. Осы сұхбатқа келетін кезде де ұлыма ұрсып келдім”, – деді халық әртісі.