"Зымыранды 31 учаскенің 40 құрастыру-сынау корпусынан шығару Астана уақыты бойынша таңғы сағат 8.30-да басталды. Зымыран теміржол көлігінде 31-учаскенің ұшыру кешеніне жеткізілгеннен кейін Ресейдің зымыран-ғарыш өнеркәсібі кәсіпорындарының мамандары оны тік күйдегі №6 ұшыру жүйесіне сәтті орнатты. Қызметтік тіректерді біріктіргеннен кейін ұшыру кешенінің экипаждары бірінші ұшыру күнінің бағдарламасына сәйкес жұмыстарды орындауға кірісті", – деп мәлімдеді сайт дереккөзі.

Ресейлік ғарыш саласы өкілінің айтуынша, "алдағы екі күнде ғарыш айлағының мамандары ұшыру кешені мен зымыран тасығыштың жүйелерін түпкілікті тексеруден өткізеді".

Бұл ұшырылымның ерекшелігі – басқарылатын астронавтика тарихында тұңғыш рет бұрынғы "Союз МС-22" ғарыш кемесі зақымданғандықтан ғарышкерлер экипажын эвакуациялау үшін Халықаралық ғарыш станциясына (ХҒС) басқарылатын ғарыш кемесі жіберіледі.

Байқоңырда "Протон-М" зымыран тасымалдағышы ұшырылды

"Украинадағы соғысқа барғаны үшін ақша төлейді": “Байқоңыр”кешенінің басқармасы тараған ақпаратқа түсінік берді

Еске салайық, 2022 жылғы 15 желтоқсанда ХҒС-қа түйіскен "Союз МС-22" ғарыш кемесі бортында аспаптың және құрастыру бөлігінің сыртқы қабығының зақымдалуына және сыртқы контурының қысымының төмендеуіне байланысты техникалық сұйықтықтың (хладагент) ағуы анықталған болатын.

Техникалық комиссия жұмысының қорытындысы бойынша "Союз МС-22" ғарыш кемесін жерге ұшқышсыз режимде қайтару туралы шешім қабылданған. ХҒС-қа құрамында ресейліктер Сергей Прокопьев, Дмитрий Петелин және америкалық Фрэнк Рубио бар экипажды қайтару үшін "Союз МС-23" жіберіледі.

"Союз МС-23" кемесінің ХҒС-қа ұшырылуы 24 ақпанда Астана уақыты бойынша 6 сағат 24 минут 29 минутқа жоспарланған.

Талқылау