Соңғы жаңалықтар
Соңғы жаңалықтар

Таразда жасөспірімдер TikTok-тағы видео үшін төбелесті: Біреуі пышақ жарақатын алды

Таразда 15 және 17 жастағы жасөспірімдер TikTok-тағы видео үшін қақтығысып қалды. Төбелестің бастамашысы басқа жас жігітпен бірге видеоға түскен қызды қызғанған, деп хабарлайды Stan.kz ақпарат агенттігі.

төбелес

Polisia.kz мәліметінше, үшінші жасөспірім достарын ажыратуға тырысқан кезде пышақ жарақатын алған. Ол облыстық балалар ауруханасына жеткізілген.

Жәбірленушінің айтуынша, оған жанжалды бастаған жігіт пышақ ұрған. Күдікті оқиға салдарынан қорқып, бірден ізін суытқан. 

Тараз қаласының полиция бөлімі Қылмыстық кодекстің "Бұзақылық", яғни 293-баптың үшінші бөлігі бойынша қылмыстық іс қозғады.

Осы бап бойынша қылмыс жеті жылға дейінгі мерзімге бас бостандығын шектеуге не айыруға әкеп соғады.

Қазіргі уақытта жедел-тергеу тобы оқиғаның толық көрінісін анықтау үшін ұсталған 15 жастағы Тараз тұрғынынан жауап алуда. Осыдан кейін полиция бұлтартпау шарасын таңдау туралы мәселені шешеді.

Талқылау
Пікір
Қазір оқып жатыр
Çàãðóçêà...
Қазір оқып жатыр