Әлеуметтік желіде 8-ші мектепте оқитын 3-ші сынып оқушысын зорламақ болды деген күдіктінің суреті жарияланған. Ертесіне іздеуде жүрген азаматты оқушы қыздың мұғалімі көріп қалып, оны қолға түсіруге таксистен көмек сұрайды.

Бекболат Досанов күдіктінің соңына түскен. Ол бағдаршамның қызыл түсіне де қарамай қашқынды қуған.

Ал, күдікті тек тротуармен жүгіріп отырған. Бірақ, алысқа ұзай қоймады. Осы тұсқа келгенде үйлердің арасына кіріп жасырынбақ болса керек. Алайда таксист оған мүмкіндік бермей, қолынан шап беріп ұстаған. Азғындық жасады деп айыпталған азамат еш қарсылық көрсетпеген.

«Ол соңынан ары-бері қуалағасын әбден шаршап қалған. Қолынан ұстадым да, қолын бұрап машинаның терезесіне қыстырып, сөйтіп артқа жүріп көшеге алып шықтық»,-дейді Тараз қаласының тұрғыны Бекболат Досанов.

Күдікті сол сәтте жасаған қылмысын мойындап, оқушыға қалай азғындық істегенін тәтпіштеп айтып берген.

Бұл видео әлеуметтік желіге тарап, қызу талқыға түсті. Онда былай делінген.

КҮДІКТІ – Ты просто изнасиловал, да?

– Да

– А зачем хотел изнасиловать?

– Я пьяный был.

-А сейчас ты трезвый?

Ал, мектеп директоры шәкіртін зорланған жоқ деп отыр. Оған медициналық тексерулер дәлел дейді. Сондай-ақ, ол оқиғаның қалай болғанын түсіндіріп берді. Айтуынша, оқушыны жақындары мектепке жеткізбей қалдырып кеткен. Сол сәтте 21 жастағы күдікті жеткіншекті күштеп подьезге кіргізіп алған. Бірақ арам ойын жүзеге асырып үлгермепті.

«Енді екі қыз көріп қалмаған кезде бәрі де мүмкін еді. Бірақ бақытымызға, қуанышымызға орай ондайдың алдын алдық деп айтуға болады»,-дейді №8 мектеп-гимназия директорының міндетін атқарушы Әлішер Әзімбай.

Қамаудағы жігіттің жүйке жүйелері ауруханасында 10 жылдан бері тіркеуде тұрғаны анықталған. Қазір осы дерекке қатысты тергеу амалдары жүргізілуде.

Бір қызығы, тәртіп сақшылары күдіктіні таксист емес, өзіміз ұстадық деп жарияға жар салуда.

«Ол күдіктіні тәртіп сақшылары қолға түсірген. Осы қала маңында орналасқан базарлардың бірінде»,-дейді Жамбыл облыстық ІІД баспасөз хатшысы Гүлсара Мұхтарқұлова.

Қазір оқушы қызбен психолгтар жұмыс істеуде. Сондай-ақ, осы оқиғадан кейін тараздағы білім ошақтарында тәртіп күшейтілген.

Яғни, ата-ана ұл-қыздарын мектепке жетектеп әкеліп, жетектеп әкетуге міндеттеліпті.

Оқи отырыңыз:

22 жастағы павлодарлық келіншек күйеуімен болған кикілжіңнен кейін терезеден секіріп кеткен

Оралда ер адамның басына мұз құлап, есін жимастан қаза тапты

Қызылорда облысында 26 жастағы жігіт ұйықтап жатқан анасын балғамен ұрып өлтірді

ОҚО-да студенттер мектеп ауласында алаңсыз тұрған оқушыларды пышақтап кетті

Талқылау