Танымал шоумен Мұрат Мұтырғановтың анасы қайтыс болды
Танымал клоун, шоумен Мұрат Мұтырғановтың анасы бақилыққа аттанды. Диана Мұтырғанова обыр дертінен көз жұмған, деп хабарлайды Stan.kz.
Қайғылы хабарды Мұраттың өзі желідегі парақшасында хабарлады.
"Отбасымызда қайғылы жағдай. Бүгін сүйікті анамыз өмірден өтті.
Қолдан келгеннің бәрін жасадық, бірақ рак (онкология) күшті болып шықты.
Анам періште еді, өмірді, отбасын, адамдарды, табиғатты, жануарларды жақсы көретін.
Анамның жүрегі мейірімді еді. Анаммен таныс болған адамдардан өтінерім, бүгін анамның жаны үшін дұға жасаңыздаршы.
Анашым, сен біздің жүрегімізде мәңгі өмір сүресің. Жаның жаннатта болсын", – деп жазба қалдырды ол.
Талқылау