Сұлтан Зауырбек Ұлыбританияда жекпе-жек өткізеді

Қазақстандық кәсіпқой боксшы Сұлтан Зауырбек (16-0,12 КО) Ұлыбританияның Телфорд қаласында өтетін бокс кешінде өнер көрсетеді. Бұл туралы Stan.kz ақпарат агенттігі хабарлайды.

Фото: Sports.kz

Екінші жартылай жеңіл салмақта өнер көрсететін Сұлтан Зауырбек 1 наурыз күні Ұлыбританияның Телфорд қаласында өтетін бокс кешінде кезекті жекпе-жегін өткізеді. Отандасымыз әу баста, аргентиналық Карлос Даниэль Кордобаға (16-11, 4 КО) қарсы жұдырықтасу керек болса, кездесуге 3 күн қалғанда қарсыласы жарақат алып қалған. Енді ол колумбиялық Виктор Хулиомен (17-10, 9 КО) жұдырықтасады. 

Айта кетейік, Сұлтан Зауырбек Ұлыбританияда әлемге әйгілі боксшы Энтони Джошуамен бірге жаттығады.