"Сүйектерімді сындырды, егіндікте босандым": Қазақстандық әйел Өзбекстандағы 10 жылдық құлдық өмірі туралы айтып берді

Алматы облысының тұрғыны еңбек құлдығында болған сұмдық оқиғалары туралы айтып берді.  Әйел 10 жыл бойы Өзбекстанның далада және құрылыс алаңдарында ауыр жұмыс істеген. Ол көрші елге жақсы өмір сүру үшін барған, бірақ ол кепілге түсіп қалған. Бірақ ол жолын тауып, қашып үлгерді. Дегенмен, оның қилы тағдыры мұнымен аяқталмапты. Туған жерінде де оны қиындықтар күтіп алған, деп хабарлайды Stan.kz ақпарат агенттігі "Астана" арнасына сілтеме жасап.

Қызғалдақ Байсаханова өз тағдыры туралы көзіне жас алмай айта алмайды. Бұрын әйелдің отбасы, үлкен үйі және болашаққа жоспарлары болған. Содан кейін оны Ташкентке жақсы жалақысы бар жұмысқа шақырған. Әйел сыныптастарымен бірге кеткен. Бірақ көрші елге келгеннен кейін қазақстандықтардан төлқұжаттарын алып қойып, шекарадан өту және елде болу ережесін бұзды деп айыптады. Содан кейін олардың барлығын құлдыққа сатып жіберген. Қазақстандықтар далада жер жыртып, құрылыс алаңдарында жұмыс істеген. Дұрыс істемесе аяусыз ұрған. 

"Біз құлдыққа түстік, өте ауыр жұмыс жасадық, ұрып-соғып, жазалады. Мен қызымды дүниеге әкелгенде, мен өрістің ортасында тудым. Медициналық көмек болмады. Менің ішімде 8 қабырға 8 рет сынған", - деді Қызғалдақ Байсаханова.

10 жыл ішінде Қызғалдақтың сүйегі 67 рет сынған. Бақытына орай, олар қызымен бірге қашып кеткен. Бірақ, туған жеріне оралғанда жақындарының өмірден өткенін, ата-анасының үйі сатылғанын білген. Бұған қосымша, Қызғалдақта қатерлі ісік анықталған. Қазір отбасы тек бір нәрсені ғана армандайды – өз үйлері болғанын. 

"Мен жыламаймын деп уәде бердім, бірақ олай мүмкін емес, шығып кетеді. Мемлекетім мені естігенін, маған тұрғын үй бергенін қалаймын. Олар менің үйімді маған қайтара алмай ма, басқасын берсін. Мен біреудің қалтасына жұмыс істегім келмейді, өмір бойы тыным таппай келемін. 11 жылдан бері кезекте тұрмын, қозғалыс жоқ", - деді Қызғалдақ Байсаханова.

Әйел шенеуніктерге сатылған үйдің өзіне тиесілі екенін дәлелдей алмады. Қазір ол үйді уақытша жалға алып отыр. Бей-жай қарамайтын азаматтар, еріктілер азық-түлік, отын және көмір әкеледі. Енді қоғам белсенділері жаңа үйге қаражат жинауға тырысып көрмек. 

"Біздің басты міндетіміз - осындай қиын тағдыры болған әйелге мемлекет үйін қайтаруына қол жеткізу. Немесе біз өзіміз жер үшін ақша жинап, үй саламыз.   Азаматтар, жанашыр адамдар көмектеседі деп сенемін", - деді "Адиль" қайырымдылық қорының негізін қалаушы Оксана Маралова.

Алдын ала есептеулер бойынша жер учаскесі мен үйге шамамен 7 млн теңге қажет болады. Қазір Қызғалдақ Байсаханова ем алып жатыр, қайта қалпына келгеннен кейін тұрақты жұмыс табуды жоспарлап отыр.