Су тасқыны басталғаннан бері 160-тан астам үйді су басты
Су тасқыны кезеңі басталғаннан бері мыңға жуық адам өз үйлерін тастап кетуге мәжбүр болған. Бұл туралы ОКҚ-де өткен брифингте ТЖМ Төтенше жағдайларды жою департаментінің бастығы айтты деп хабарлайды Stan.kz ақпарат агенттігі.
“Су тасқыны басталғаннан бері Түркістан, Павлодар, Абай, Батыс Қазақстан және Ақтөбе облыстарында 162 тұрғын үй, 3 ғимаратты және 20 саяжай үйін еріген қар және жаңбыр суы басты. Барлығы 957 адам эвакуацияланып, 5,5 мыңнан астам ауыл шаруашылығы жануарлары қауіпсіз жерлерге айдалды”, - деді ТЖМ Төтенше жағдайларды жою департаментінің бастығы Қаһарман Оразалин.
ТЖМ өкілінің сөзінше, бүгінгі таңда Қобда ауылында 79 үй және 3 ғимарат, Ойылда 5 үй су астында.
“Бүгінгі таңда Ақтөбе облысында 13 тұрғын үй су астында қалып отыр. Ақтөбе және Қостанай облыстарындағы жергілікті маңызы бар автожолдардың 8 учаскесін су шайып жатыр. Ақтөбе облысында уақытша эвакуациялау пунктері мен туыстарына 311 адам орналастырылды, тұрғылықты жеріне 646 адам оралды”, - деді Қаһарман Оразалин.