AAPL
142.92 $
0.96 %
TSLA
695.2 $
-0.57 %
NDAQ
156.79 $
-0.44 %
GOOGL
2291.44 $
1.16 %
FRHC
46.29 $
2.91 %
AAPL
142.92 $
0.96 %
TSLA
695.2 $
-0.57 %
NDAQ
156.79 $
-0.44 %
GOOGL
2291.44 $
1.16 %
FRHC
46.29 $
2.91 %
Соңғы жаңалықтар
Соңғы жаңалықтар

Солтүстік Қазақстан облысында меценат 12 түлекке "Отбасы банкінің" 100 мың теңгелік сертификаттарын табыстады

Солтүстік Қазақстан облысында меценат 12 түлекке "Отбасы банкінің" 100 мың теңгелік сертификаттарын табыстады, деп хабарлайды Stan.kz ақпарат агенттігі.

Биыл Солтүстік Қазақстан облысының Жамбыл ауданында 178 түлек алтын ұя мектебімен қош айтысып, үлкен өмірге қадам басты. Солардың 10-ы "Үздік аттестатқа" қол жеткізсе, екеуі "Алтын белгі" иегері атанған. Солардың бірі – Дильназ Романова. Қожаберген жырау атындағы Пресновка орта мектебінің түлегі ҰБТ-де 117 балл жинаған. Сөйтіп,  ұстаздары мен ата-анасының үмітін ақтап қана қоймай, 11 жылдық білімін дәлелдеген.

"Әрқашан жақсы оқып, түрлі шаралардан қалмайтынмын. Сол еңбегімнің жемісі деп білемін. Әрине, "Алтын белгі" иегері атану оңай емес. Десе де, ата-анаммен, 11 жыл бойы білім нәрімен сусындатқан ұстаздарымның еңбегін ақтағаныма қуаныштымын. Менің атам мен әкем техникаға жақын болған. Мен қыз болсам да,  қызығатынмын. Сондықтан келешекте техникалық мамандыққа түскім келеді. Бірақ әлі нақты қайда баратынымды шешкен жоқпын. Сол үшін физика пәнін де ұнаттым. Әсіресе тәжірбиелер жасаған ұнайды", – дейді Дильназ.

Қолдарына аттестаттарын алған жастар үшін бұл күннің маңыздылығы тіптен бөлек болды. Өйткені, үздік түлектерге жергілікті меценат Екпін Әбиев "Отбасы банкінің" 100 мың теңгелік сертификаттарын табыс етті. Ауданның үздік мектеп бітірушілерін осымен бесінші жыл қатарынан қолдап келемін дейді кәсіпкер.

"Балалар біздің болашағамыз. Сондықтан түлектерді осылай қолдау идеясы алғаш рет 2018 жылы ойыма келді. Содан оларға 100 мың теңгеден үлестірдім. Ал 2019 жылы ақша бергенше, оларға депозит ашу пайдалырақ болады деп шештім. Ертең олар өздері не ата-аналары қаржы жинап, оқу бітіргенде үй ала алады.  Осы уақыт аралығында ауданымыздың 41 түлегіне осылай көмек көрсетіппін", – дейді меценат.

Салтанатты шараға қаржы институтының өкілдері де қатысты. Олар өңірде осылай жастарды қолдайтын кәсіпкерлер аз екенін айтады. Меценаттар қатары артса, талай жасты демеп, қанаттандыратын еді дейді «Отбасы банк» қызметкерлері.

"Бұл сертификаттар түлектерге барлық бағдарламаларға қатысуға мүмкіндік береді. Олар тек өз атына банкте шот ашып, депозитті үнемі толықтырып отырулары қажет. Кейін қаражат жиналғанда еліміздің кез келген қаласынан баспана ала алады. Ол ақшаны шешіп алуға да болады. Бірақ мен қаржыны алмай, керісінше біздің банкте  оны толықтырып отыруға кеңес беремін. Екпін Әбиев жылда жастарды қолдап, көмегін аямайды. Осындай жомарт жандар қатары көбейсе, жақсы болар еді", –  дейді "Отбасы Банкі" АҚ СҚОФ директоры Алмас Жапабаев.

Жалпы меценат Екпін Әбиев 1995 жылдан бастап қайырымдылықпен айналысады. Ол мектеп оқушыларына ғана қолдау көрсетпей, туған ауылының, ауданының дамуы үшін көптеген жұмыстар жасаған.

Талқылау
Пікір
Қазір оқып жатыр
Қазір оқып жатыр