Желі қолданушыларының пікірі екіге жарылды. Бірі қолдаса, екіншісі ұят тірлікке санап жатыр. “Осындай өрескел дүниелерді ұнатпаймын”, “Өмеке сіз айтатын әңгіме емес қой. Ата мен келін арақашықтық сақталуы керек”, “Келін атасының көзінше ішін ұстап тұруы ұят саналған” деген пікір көп.

Екінші тарап байлық пен балалы болудың ерте-кеші жоқ деп, құттықтап жатыр. “Қуанатын жағдайға қуана білейік. Қуанышты тойлай білейік. Дүниеге келетін ұрпақтар дені сау, ақылды, білімді, мәдениетті, қазақ елін дүниежүзіне танытатын азамат болсын деп тілеймін”, “Кім қандай жаста болса да, Алланың жіберген бақыты. Ұрпағымызды өсіріп, қызығын көретін денсаулық, өмір берсін”, “Келін туды деп енені шектеп тастасақ, халық саны қайдан өседі?!. Бұл әңгімені қытай, үнділер айтса жарасады. Бізге әр жан маңызды”, – дейді әншінің тыңдарманы.

Жақында өнерлі отбасының тұңғышы әрі жалғыз ұлы үйленіп, өнер иесі “жұлдызды қайын ата” атанған. Бір баладан кейін араға 20 жылдан кейін қызы дүниеге келді.

“Осыдан 3 жыл бұрын ғана Нұртуғанды берген Аллаға шүкірлік етіп, Алла басыма осы бір баланы ғана жазған шығар. Енді келін алып, немере сүйерміз деп жүр едім. Алланың құдіретін қараңызшы, Айсониді беріп артынан Айсұлтанды ертті. Алладан күдер үзбейік”, – дейді дәстүрлі ән өнерінің өкілі.

Еске салайық, әншіге ұлды болғаны үшін інісі құны 1 миллион теңге тұратын күміс қамшы сыйлаған еді.

Талқылау