Синтетикалық өнімдер героинді ысырып шығарды: Қазақстанда бір аптада 164 есірткі сату жағдайы тіркелген
Ішкі істер министрлігінің ресми өкілі Нұрділдә Ораз елдегі есірткі саудасына қатысты ақпарат берді, деп хабарлайды Stan.kz ақпарат агенттігі.
"Өткен аптада елде 3378 құқық бұзушылық тіркелді. Оның ішінде 2199 қылмыстың ізі суымай ашылды. Мен есірткі қылмыстарына да тоқталғым келеді", - деді Нұрділдә Ораз онлайн брифинг барысында.
Бір аптада қазақстанда 164 есірткі сату жағдайы тіркелген. Нұрділдә Ораздың сөзінше, соңғы уақытта ситетикалық өнімдер саудасы кең етек жаюда.
"Бұл статистикада синтетикалық есірткіні тарату мәселесін атап өту қажет. Үш жыл ішінде синтетикалық заттар героинді ығыстырып шығарды. Сонымен қатар, есірткіге тәуелді адамдард арасында синтетикалық есірткіге тәуелділер тіркеу әлі де жүргізілмейді", - деп қосты Н.Ораз
Талқылау